काठमाडौं - विवादमा आएपछि उद्योग, वाणिज्य तथा आपूर्तिमन्त्री गजेन्द्रबहादुर हमालले पदबाट राजीनामा दिनु भएको छ ।
केहीबेर अघि प्रधानमन्त्रीको सरकारी निवास बालुवाटार पुगेर हमालले राजीनामा पत्र बुझाएको बालुवाटार स्रोतले जनाएको छ ।
प्रधानन्यायाधीश चोलेन्द्र शमशेर जबराको कोटाबाट मन्त्री बनेको भन्दै चर्को आलोचना हुन थालेपछि उहांले राजीनामा दिनु भएको हो ।
हमाल प्रधानन्यायाधीशका नातामा जेठान पर्नुहुन्छ । जबराले संसद नै नभएका हमाललाई कांग्रेसको कोटाबाट मन्त्री बनाउन दबाव दिएको भन्दै विरोध भएको छ ।
प्रधानमन्त्री देउवा निटक हमालले स्वविवेकले नैतिकताका आधारमा राजीनामा दिएको बताउनु भएको छ । हमाल आफैमा नैतिकवान र स्वच्छ छवीका नेता मानिनुहुन्छ । हमाल परिवारको नेपाली कांग्रेसमा ठूलो योगदान छ । मन्त्री हमाल स्वयं देउवा पक्षका बांके कांग्रेसका पूर्व सभापति हुनुहुन्छ ।
प्रकाशित:
Sunday, October 10, 2021 | 09:42:00 आइतबार, २४ असोज, २०७८
2025-06-30-03-54-53.gif)
