काठमाडौं– ६६ औं नेपाल प्रहरी मनाइँदै छ ।
बुधबार (आज) नेपाल प्रहरी ऐनमा लालमोहर लागेको दिनलाई प्रहरी दिवस मनाउने गरिँदै आइएको छ ।
विस २०१२ मा ऐन आएपछि नै नेपाल प्रहरी औपचारिक रुपमा स्थापना भएको थियो । कानुनी रुपमा नेपाल प्रहरीले आधिकारिता पाएको आज ६६ वर्ष पुगेको छ ।
प्रहरी दिवस तीन दिनसम्म दिपावली गरेर मनाउने गरिन्छ । मंगलबारदेखि नै दिपावली तथा अन्य कार्यक्रम गरेर सुरु गरिएको छ ।
६६औं स्थापना दिवसका अवसरमा सहिद अमर प्रहरी परिवारका ३३ जनालाई सम्मान गरिँदैछ । प्रहरी प्रधान कार्यालयले नक्सालमा विशेष समारोहबीच बुधबार आज ३३ जनालाई सम्मान गर्न लागेको जानकारी दिएको छ ।
प्रमुख अतिथि प्रधानमन्त्री शेरबहादुर देउवाले सहिद परिवारलाई सम्मान गर्ने कार्यक्रम रहेको केन्द्रीय प्रहरी प्रवक्ता एसएसपी बसन्त कुँवरले बताउनु भएको छ । नेपाल प्रहरीमा कर्तव्यको सिलसिलामा निधन भएका अमर प्रहरीप्रति श्रद्धाञ्जलि अर्पण गर्ने, परिवारलाई कदर पत्र दिएर सम्मान गर्ने कार्यक्रम रहेको उहाँको भनाई छ ।
देशैभरी प्रदेश, जिल्ला र इलाका प्रहरी कार्यालयमा प्रहरी दिवस मनाइँदैछ ।
प्रकाशित:
Wednesday, October 06, 2021 | 08:38:00 बुधबार, २० असोज, २०७८
2025-06-30-03-54-53.gif)
