एजेन्सी– फेसबुकका सह–संस्थापक मार्क जुकरबर्गलाई ६ बिलियन डलर नोक्सान भएको छ । सोमवार संसारभर फेसबुकका सबै सेवा डाउन हुँदा जुकरबर्गलाई ६ बिलियन डलर अर्थात ७ खर्ब नेपाली रुपैयाँ बराबरको नोक्सानी भएको हो ।
अन्तराष्ट्रिय सञ्चारमाध्यमका अनुसार करिब ६ घण्टाको अवरोधमा जुकरबर्ग अर्बपतिको सूचीबाट दुई स्थान लत झर्नुभएको छ ।
ब्लूमबर्ग बिलिनेयर इन्डेक्सका अनुसार फेसबुकका सबै सेवा डाउन भएका कारण जुकरबर्गको कूल सम्पत्ति घटेर ११६.८ बिलियन डलर भएको छ । यसअघि यो सूचीको चौथो स्थानमा रहनुभएका जुकरबर्ग छैटौँ स्थानमा पुग्नुभएको छ ।
फेसबुकका विभिन्न सेवाका साथै इन्स्टाग्राम, ह्वाट्सएप, अमेरिकी टेलिकम कम्पनी घण्टौँसम्म ठप्प रहेकोथियो ।यस्तै अमेरिकी सेयर बजारमा फेसबुकको सेयरको बिक्री पाँच प्रतिशतको गिरावट आएको थियो ।
प्रकाशित:
Tuesday, October 05, 2021 | 10:45:00 मंगलबार, १९ असोज, २०७८
