काठमाडौं- गैरआवासीय नेपाली संघको आगामी कार्यकालको अध्यक्षका लागि कुल आचार्यले आफ्नो उम्मेदवारी घोषणा गर्नु भएको छ ।
काठमाडौंमा आइतबार आयोजित कार्यक्रममा आफ्नो उम्मेदवारी घोषणा गर्दै आचार्यले एनआरएनएलाई सही अर्थमा आम प्रवासी नेपालीहरुको साझा संस्था बनाउन आफूले उम्मेदवारी दिन लागेको बताउनु भयो ।
यस पटकको निर्वाचनबाट नेतृत्व चुन्नका लागि विश्वभर रहेका एक लाख भन्दा बढी गैर आवासीय नेपाली संघका प्रतिनिधिहरूले अनलाइन माध्यमबाट मतदान गर्ने व्यवस्था मिलाएको गैर आवासीय नेपाली संघले जनाएको छ ।
आगामी अक्टोबर २३ देखि २५ सम्म काठमाडौंमा हुने गैर आवासीय नेपाली संघको दशौं महाधिवेशनले संघको नयाँ नेतृत्व चयन गरिने छ ।
गैर आवासीय नेपाली संघको अध्यक्ष पदका लागि यसअघि गैर आवासीय नेपाली संघका हालका महिला उपाध्यक्ष रविना थापाले उम्मेदवारी घोषणा गरिसक्नु भएको छ ।
प्रकाशित:
Sunday, September 26, 2021 | 18:25:00 आइतबार, १० असोज, २०७८
2025-06-30-03-54-53.gif)
