काठमाडौं- सोमबार राति निधन हुनुभएका संविधानसभा अध्यक्ष सुवास नेम्वाङको बिहीबार (आज) अन्त्येष्टि गरिने भएको छ ।
नेम्वाङको सोमबार राति निधन भएको थियो । २ दिनसम्म पार्टी कार्यालय, च्यासलमा राखिएको उहाँको पार्थिव शरीरलाई बुधबार बालुवाटारस्थित निवासमा लगिएको थियो ।
एमालेको केन्द्रीय प्रचार एवं प्रकाशन विभागका सचिव गगन विष्टका अनुसार आज विहान ११ बजे पशुपति आर्यघाटमा राजकीय सम्मानका साथ नेम्वाङको अन्त्येष्टि गरिनेछ ।
त्यसअघि शवयात्रा हुनेछ । शवयात्रा बालुवाटार, शिक्षण अस्पताल, महाराजगञ्ज, धुम्बाराही, चाबहिल, गौशाला हुँदै पशुपति आर्यघाटमा पुग्नेछ ।
नेम्वाङको मुन्धुम र हिन्दू परम्पराअनुसार अन्त्येष्टि गर्ने तय भएको छ ।
राजकीय सम्मानका साथ अन्त्येष्टि हुने भएकोले आज सरकारले शोक बिदा दिएको छ ।
प्रकाशित:
Thursday, September 14, 2023 | 08:20:00 बिहीबार, २८ भदौ, २०८०
2024-09-28-06-07-18.jpeg)
