धनगढी- कैलाली निर्वाचन क्षेत्र नम्बर १ मा नागरिक उन्मुक्ति पार्टीकी अध्यक्ष रञ्जिता श्रेष्ठ प्यानलसहित विजयी हुनुभएको छ ।
श्रेष्ठ ३० हजार ४०४ मतसहित विजयी हुनुभएको हो । उहाँका निकटतम् प्रतिद्वन्द्वी सत्ता गठबन्धनबाट नेपाली कांग्रेसका रामजनम चौधरीले १८ हजार ८१ मत पाउनु भएको छ । नेकपा एमालेका तपेन्द्र रावल भने पाँच हजार ९१० मत पाउनुभयो ।
प्रदेश सभातर्फको १ र २ मा पनि नागरिक उन्मुक्ति पार्टीकै उम्मेदवार विजयी भएका छन् । प्रदेशसभा १ मा कैलाश चौधरी विजयी हुनुभएको छ । कैलाश चौधरीले १५ हजार १०१ मत प्राप्त गर्दै विजयी हुनुभएको हो । उहाँका निकटतम् प्रतिद्वन्द्वी नेकपा माओवादी केन्द्रका दीर्घराज बिनाडीले १० हजार ३७७ मत प्राप्त गर्नुभयो ।
यस्तै, प्रदेश सभातर्फको २ मा लक्ष्मण किशोर चौधरी विजयी हुनुभयो । लक्ष्मण चौधरीले ११ हजार ३१७ मत प्राप्त गर्नुभयो । उहाँले सुदूरपश्चिम प्रदेशका आन्तरिक मामिला तथा कानुनमन्त्री डा. रणबहादुर रावललाई तीन हजार २६४ मतान्तरले पराजित गर्नुभएको हो ।
प्रकाशित:
Thursday, November 24, 2022 | 19:29:00 बिहीबार, ८ मङ्सिर, २०७९
2025-06-30-03-54-53.gif)
