कास्की- कास्की क्षेत्र नम्बर २ मा नेकपा (एमाले) का उम्मेदवार विद्या भट्टराई विजयी हुनुभएको छ ।
राष्ट्रिय स्वतन्त्र पार्टीका उम्मेदवार माधवप्रसाद कंडेललाई पराजित गर्दै भट्टराई प्रतिनिधि सभा सदस्यमा निर्वाचित हुनुभएको हो ।
विजयी भट्टराईले १६ हजार ९९८ मत प्राप्त गर्दा उहाँका निकटतम् प्रतिस्पर्धी राष्ट्रिय स्वतन्त्र पार्टीका माधवप्रसाद कंडेलले १२ हजार ४९५ मत प्राप्त गर्नुभयो ।
सत्ता गठबन्धनबाट नेकपा एकीकृत समाजवादीका श्रीनाथ बराल तेस्रो स्थानमा चित्त बुझाउनुभयो । बरालले ९ हजार ६५९ मत प्राप्त गर्नुभयो ।
प्रकाशित:
Thursday, November 24, 2022 | 15:41:00 बिहीबार, ८ मङ्सिर, २०७९
