काठमाडौं– सन् २०२२ को मिस नेपालको ताज प्रियंका रानी जोशीले पहिरिनुभएको छ । शनिबार काठमाडौंमा भएको ग्राण्ड फिनालेमा जोशी मिस नेपाल हुनुभएको हो ।
त्यस्तै सरिशा श्रेष्ठ मिस नेपाल अर्थ र न्यान्सी खड्का मिस नेपाल इन्टरनेशनल घोषित भए ।
उहाँलाई पूर्व मिस नेपाल नम्रता जोशीले तास लगाइदिनुभयो । यस वर्षको मिस नेपालमा २४ जना युवतीहरुले प्रतिस्पर्धा गर्ने गरेका थिए ।
कोरोना महामारीका कारण दुई वर्षका लागि रोकिएको मिस नेपाल प्रतिस्पर्धा यस पटक भव्य रुपमा सम्पन्न गरिएको आयोजक द हिडेन ट्रेजरले जनाएको छ ।
प्रकाशित:
Saturday, June 18, 2022 | 19:42:00 शनिबार, ४ असार, २०७९
