काठमाडौं - काठमाडौं उपत्यकामा कोरोना संक्रमण उच्च गतिमा फैलन थालेपछि सरकारले यातायातमा कडाई गर्ने भएको छ ।
कोरोना संक्रमण रोकथाममा मानिसहरुको आवत जावतले मद्धत पुग्ने निष्कर्षपछि काठमाडौं उपत्यकामा शुक्रबार राति १२ बजेदेखि जोरबिजोर प्रणाली लागू गरिने भएको छ ।
उपत्यकाका ३ जिल्ला काठमाडौं, ललितपुर र भक्तपुरका प्रमुख जिल्ला अधिकारीहरुको बिहीबार बसेको बैठकले शुक्रबार राति १२ बजेदेखि सार्वजनिक र निजी सवारी साधनहरुमा जोर बिजोर प्रणाली लागू गर्ने निर्णय गरेको हो ।
बैठकपछि ललितपुरका प्रमुख जिल्ला अधिकारी घनश्याम उपाध्यायले स्मार्ट लकडाउनको कार्यविधि अनुसार सार्वजनिक र निजी सवारी साधनहरुमा जोर बिजोर लागू गर्ने निर्णय भएको बताउनु भयो ।
शुक्रबार राति १२ बजेदेखि जोर गते जोर नम्बरका र बिजोर गते बिजोर नम्बरका सवारी साधन सञ्चालन गर्ने गरी निर्णय भएको उहाँले बताउनु भयो ।
जोरबिजोरको निर्णय मोटरसाइकलसहित दुई पांग्रे सवारी साधनहरुमा पनि लागू हुने बताइएको छ ।
.JPG)
.JPG)
.JPG)
.JPG)
.JPG)
प्रकाशित:
Thursday, January 20, 2022 | 20:56:00 बिहीबार, ६ माघ, २०७८
2025-06-30-03-54-53.gif)
