काठमाडौं - माल्दिप्समा जारी साफ च्याम्पियनशीप फुटबल अन्तर्गत् लिग चरणको अन्तिम खेलमा नेपालले बुधबार बंगलादेशको सामना गर्दैछ ।
खेल नेपाली समय अनुसार साँझ ४ः४५ बजे माल्दिप्सको राष्ट्रिय रंगशाला मालेमा शुरु हुने खेलले नेपालमो भाग्य परीक्षण गर्नेछ ।
आजको खेलमा बराबरी मात्रै गरे पनि नेपाल फाइनलमा पुगेर इतिहास रच्ने छ भने पराजित भए घर फर्कने छ ।
यसअघि आइतबार राति भएको खेलमा नेपाल भारतसंग पराजित हुँदै जारी साफ च्याम्पियनशीप फुटबलको शीर्ष स्थानबाट दोश्रोमा पुगेको थियो ।
प्रतियोगिताअघि प्रिम्याच कन्फ्रेन्समा बोल्दै नेपालका सहायक प्रशिक्षक किरण श्रेष्ठले नेपाललाई इतिहास रच्ने मौका आएको र त्यसका लागि नेपाल सक्षम रहेको बताउनु भयो ।
हालसम्म नेपाल र बंगलादेशबीच २२ वटा खेल भएकोमा १३ खेलमा बंगलादेश र ७ खेलमा नेपाल विजयी भएको छ ।
नेपाल र बंगलादेशबीच २ खेल बराबरी भएको छ ।
प्रकाशित:
Wednesday, October 13, 2021 | 10:12:00 बुधबार, २७ असोज, २०७८
