काठमाडाैं - नेपाल वायु सेवा निगमका पूर्वअध्यक्ष रामाज्ञाप्रसाद चतुर्वेदी मृत भेटिएकाे प्रहरीले जनाएकाे छ ।
काठमाडौं–७, बुलबुलेमा निर्माणाधीन घरको अगाडि उहाँको शव भेटिएको हो । काठमाडौं प्रहरी प्रमुख एसएसपी अशोक सिंहले घरको चार तलामाथिबाट हाम फालेको बताउनु भयाे । उहाँले नजिकै रहेको सीसी क्यामरामा चतुर्वेदी माथि गएको र झरेको दुवै कैद भएको बताउनु भयाे । तर, पूरा विवरण भने खुलेकाे छैन ।
प्रहरीले चतुर्वेदी डिप्रेसनको शिकार रहेको दाबी गरेको छ । चतुर्वेदीको शव पोष्टमार्टमका लागि त्रिवि शिक्षण अस्पताल लगिएकाे छ । भ्रष्टाचारसम्बन्धी कसूरमा डेढ वर्ष जेल बसेका चतुर्वेदीकाे मृत्युकाे कारण खुलेकाे छैन ।
प्रकाशित:
Thursday, October 07, 2021 | 12:53:00 बिहीबार, २१ असोज, २०७८
