काठमाडौं - भारतीय योग गुरु तथा पतञ्जली योग पीठका संस्थापक रामदेव र आचार्य बालकृष्णविरूद्ध पक्राउ पूर्जी जारी भएको छ।
केरला औषधी नियन्त्रण विभागले रामदेव र आचार्य बालकृष्णविरूद्ध औषधी ऐन आकर्षिक गर्दै पक्राउ पूर्जी जारी गरेको भारतीय सञ्चारमाध्यमले जनाएका छन्।
केरला औषधी नियन्त्रण विभागले दायर गरेको यो मुद्दामा औषधी र जादुमय उपचार (अपत्तिजनक विज्ञापन) ऐन, १९५४ उल्लङ्घन गरेको आरोप लगाइएको छ। यो ऐनले औषधीको चामत्कारिक लाभ वा उपचारसम्बन्धी भ्रामक दाबी प्रतिबन्ध आकर्षित गर्छ।
अदालतले बाबा रामदेवलाई पेशीको लागि बोलाए पनि उपस्थित नभएका कारण पक्राउ पुर्जी जारी गरेको हो। अदालतले यस्तो उल्लङ्घनलाई गम्भीर रूपमा लिएको देखिन्छ। विशेषगरी सार्वजनिक स्वास्थ्यसँग सम्बन्धित ठूला संस्थाहरूका क्रियाकलापप्रति यो मुद्दा आकर्षित हुने दाबी गरिएको छ।
पतञ्जली आयुर्वेदका मुख्य अनुहारका रूपमा बाबा रामदेव र बालकृष्णको उत्पादन प्रचारमा जिम्मेवारीको विषयलाई यो मुद्दाले थप गम्भीर बनाएको छ।
यस कानुनी प्रक्रिया र मुद्दाको परिणामले स्वास्थ्य सम्बन्धी उत्पादनहरूको प्रचारमा निगरानी र कार्यान्वयनलाई कडा बनाउने सम्भावना छ।
प्रकाशित:
Sunday, January 19, 2025 | 19:06:00 आइतबार, ६ माघ, २०८१
2025-06-30-03-54-53.gif)
