काठमाडौं - टोखा नगरपालिकाको वडा नम्बर ६ मा सेयर कारोबार सचेतना सम्बन्धि तालिम दिइएको छ । वडा नम्बर ६ र सन सेक्युरिटिज प्राईभेट लिमिटेडले निःशुल्क आयोजना गरेको तालिममा झण्डै ८० जना स्थानीय सहभागि थिए ।
पौष २६ गते देखि २८ गतेसम्म ३ दिन आयोजित उक्त तालिममा नेपालको सेयर बजारको अवस्था, आधारभुत पक्ष, प्राविधिक विश्लेषण, कम्पनी विश्लेषण तथा पोर्टफोलियो ब्यवस्थापनका बारेमा तालिम दिईएको थियो ।
तालिममा सन सेक्युरिटिजका कार्यकारी अघ्यक्ष कृष्ण गिरी, विवेक अधिकारी, दिपकराज पन्त, रवि बुढाथोकीले सहजीकरण गर्नुभएको थियो ।
तालिमको शुभारम्भ गर्दै वडा अध्यक्ष शान्ता पौड्यालले सेयर तालिमले राम्रो कम्पनी छनोट गरेर लगानी गर्ने शिप सिकाएर वडावासीको लगानी सुरिक्षत हुने विश्वास व्यक्त गर्नु भयो ।
पौड्यालले तालिममा महिला सहभागिता धेरै भएकोमा खुसी हुँदै यसले सानो भए पनि आम्दानीको स्रोत बन्न सक्ने र आत्मनिर्भर वन्न सघाउने बताउनु भयो ।
सो अबसरमा बोल्दै वडा सदस्य चन्द्र श्रेष्ठले सेयर तालिम अहिलेको समय सापेक्ष भएको बताउॅदै सहभागी ४० जनाको सिट भए पनि करिब ८० जना सहभागी हुनुले यो बिषय सबैको चासो र महत्वको भएको धारणा राख्नु भयो ।
तालिममा सहभागीहरुलाई सन सेक्युरिटिजले निशुल्क डिपी आईडी खोल्ने ब्यवस्था समेत गरेको थियो ।
प्रकाशित:
Tuesday, January 14, 2025 | 19:32:00 मंगलबार, १ माघ, २०८१
2025-06-30-03-54-53.gif)
