काठमाडौं- सत्ता गठबन्धन दलको बैठकमा मन्त्रिपरिषद् विस्तारको विषयमा सैद्धान्तिक सहमति जुटेको छ।
सत्ता गठबन्धनको बुधबार दिउँसो बसेको बालुवाटार बैठकले मन्त्रिपरिषद् विस्तारको सन्दर्भमा सैद्धान्तिक सहमति गरेको जनता समाजवादी पार्टीका नेता राजेन्द्रप्रसाद श्रेष्ठले जानकारी दिनुभयो।
बैठकपछि सञ्चारकर्मीसँग कुरा गर्दै नेता श्रेष्ठले भन्नुभयो, “साझा न्यूनतम कार्यक्रममा सुझाव लिने काम भयो। आजको बैठकमा मन्त्रिपरिषद् विस्तारमा सैद्धान्तिक सहमति भएको छ।’’
दलबीच कांग्रेसलाई आठ, माओवादी केन्द्रलाई पाँच, जसपा र नेकपा (एस)लाई दुई-दुई र अन्य दललाई एक-एक मन्त्रालय दिने सहमति भएको उहाँको भनाइ छ। यो विषयमा ठोस निर्णय शीर्ष नेताले गर्ने नेता श्रेष्ठले बताउनुभयो।
प्रकाशित:
Wednesday, March 29, 2023 | 18:29:00 बुधबार, १५ चैत, २०७९
2025-06-30-03-54-53.gif)
