नेपालगन्ज - बांँकेले आज एकै दिन तीन मन्त्री पाएको छ । तीनमध्ये दुईजना चाहिं सहोदर दाजुभाइ हुनुहुन्छ ।
बाँकेले केन्द्र सरकारमा दुई र लुम्बिनी प्रदेशमा एक मन्त्री पोल्टामा पारेको हो ।
प्रधानमन्त्री शेरबहादुर देउवा नेतृत्वको मन्त्रिपरिषदमा माओवादी केन्द्रका महेश्वरजंग गहतराज अथक र कांग्रेसका गजेन्द्र हमाल मन्त्री बन्नुभएको छ ।
अथक युवा तथा खेलकुद मन्त्री र हमाल उद्योग बाणिज्य तथा आपूर्ति मन्त्री बन्नु भएको हो ।
अथक बाँके क्षेत्र नम्बर १ बाट निर्वाचित सांसद हुनुहुन्छ भने हमाल कांग्रेसका नेता हुनुहन्छ । हमाल कांग्रेसको भागमा परेको मन्त्रालयमा मन्त्री बने पनि प्रधानन्यायाधिश चोलेन्द्रशमशेर राणाले नातेदार भएकोले सिफारिस गरेको भन्दै आलोचना पनि भएको छ ।
बाँके कांग्रेसका पुराना नेता हमाल पछिल्लो समय कांग्रेस राजनीतिमा त्यति सक्रिय देखिनुभएको थिएन। २०६४ मा भएको पहिलो संविधानसभा निर्वाचनमा बाँके क्षेत्र नम्बर १ मा उहाँ पराजित हुनुभएको थियो भने बाँके कांग्रेसको सभापति पनि भइसक्नु भएको थियो । हमाल प्रधानमन्त्री देउवासँग पहिल्यैदेखि निकट मानिनुहुन्छ ।
आजै लुम्बिनी प्रदेश सरकारमा कांग्रेसबाट बाँकेका सुरेन्द्र हमाल पनि मन्त्री बन्ने टुंगाे लागेकाे छ । उहाँ गजेन्द्र हमालका भाइ हुनुहुन्छ । सुरेन्द्र लुम्बिनी प्रदेश सरकारको वन, वातावरण तथा भूसंरक्षण मन्त्री बन्ने हुनु भएकाे हाे । उहाँको औपचारिक नियुक्ति र सपथ भने आइतबार हुने हमालले नेपालमतलाई बताउनु भयो ।
बाँके नेपालगन्ज उपमहानगरपालिका वडा नम्बर–२, घरबारीटोल निवासी गजेन्द्र हमाल र सुरेन्द्र हमाल एकै दिन मन्त्री बन्न लागेका बाँकेका पहिलो दाजुभाइ हुनुभएको छ ।
नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।
काठमाडौं - ग्लोबल आइएमई बैंक लिमिटेडले आफ्ना एक सय ११ वटा शाखा कार्यालयमार्फत एकसाथ वित्तीय साक्षरता कार्यक्रम संचालन गरेको छ । बैंकको संस्थागत सामाजिक उत्तरदायित्वअन्तर्गत वित्तिय पहुँचबाट...
काठमाडौँ - वित्तीय क्षेत्रसँग सम्बन्धित सूचना प्रविधि (फिनटेक) विज्ञ सञ्जीव सुब्बाले बैंकिङ क्षेत्रमा साइबर सुरक्षा चुनौती बढ्दै बताउनु भएको छ। बैंक वित्तीय संस्थाले साइबर सुरक्षाका क्षेत्रमा...
काठमाडाैं - अर्थमन्त्री वर्षमान पुन अनन्तले लघुवित्तको समस्या पहिचान गरी समाधान गर्न ७ सदस्यीय कार्यदल गठन गरेका छन् । मन्त्री पुनले शुक्रबार साँझ नेपाल राष्ट्रबैंकका डेपुटी गभर्नरको...
गिद्धलाई प्रकृतिको कुचीकार मानिन्छ। मानिसलाई लाग्ने हैजा, झाडापखालालगायतका रोगको महामारीबाट जोगाउन पनि गिद्धको भूमिका हुन्छ भनिन्छ। तर पछिल्लो समय प्रकृतिको कुचीकार मानिने गिद्ध लोपोन्मुख अवस्थामा...
ललितपुर - युवा उद्यमशीलता विकास र नवप्रवर्तन व्यवसायको प्रवर्द्धनका लागि राज्यले स्पष्ट र प्रोत्साहनमुखी नीति लिनुपर्ने आवश्यकता सरोकारवालाहरूले औंल्याएका छन्। नेपाली युवा उद्यमी फोरम र साउथ...