काठमाडौं - शिक्षा मन्त्रालयले आगामी माघ १५ गतेसम्म विद्यालय बन्द गर्ने निर्णय गरेकाे छ ।
कोभिड–१९ संकट व्यवस्थापन समन्वय केन्द्रको सिफारिस कार्यान्वयनमा पठाउने निर्णय मन्त्रालयले गरेकाे हाे ।
सोमबार बसेको बैठकले सीसीएमसीले गरेको सिफारिस कार्यान्वयनमा पठाउने निर्णय गरेको शिक्षा मन्त्रालयका सहसचिव तथा प्रवक्ता दीपक शर्माले जानकारी दिनुभयो ।
कोरोनाको संक्रमण बढेपछि सीसीएमसीले विद्यालयहरु माघ १५ गतेसम्म बन्द गर्न सरकारलाई सिफारिस गरेको थियो ।
प्रकाशित:
Monday, January 10, 2022 | 12:35:00 सोमबार, २६ पौष, २०७८
