काठमाडौं - काठमाडौंमा तीन दिने नेपाल–भारत संस्कृत सम्मेलन हुने भएको छ ।
चैत १४ देखी १६ गतेसम्म बुढानिलकण्ठमा सम्मेलन हुनेछ ।
नेपाल भारत अन्तराष्ट्रिय संस्कृत सम्मेलनमा नेपाल र भारतका संस्कृतका बिज्ञ, जानकारहरूको उपस्थिति रहने छ ।
नेपाल र भारतको विकासमा संस्कृतको योगदान, दुवै देशका सांस्कृतिक, आध्यात्मिक र वौद्धिक बिकासको बिशिष्ट अध्ययन गरिने संयोजक प्रेमराज न्यौपानेले जानकारी दिएका छन् । 'नेपाल र भारतका संस्कृतका विद्वानहरूले कार्यपत्र प्रस्तुत गर्नेछन् भने संस्कृत भाषाकाे उत्थान र प्रचारमा र साे भाषाकाे बैज्ञानिक पक्षका बारेमा जानकारी दिने कार्य गरिनेछ' उनले भने ।
नीति प्रतिष्ठान नेपाल, केन्द्रिय संस्कृत विश्वविद्यालय, नयाँदिल्ली र इन्डिया फाउन्डेसनसहित तीन संस्थाको आयोजनामा उक्त कार्यक्रम हुन लागेको हो ।
यसअघि नेपालमा २०२४, २०५१, २०७५ र २०७६ सालमा यस्तो सम्मेलन भइसकेको छ ।
प्रकाशित:
Tuesday, March 19, 2024 | 20:50:00 मंगलबार, ६ चैत, २०८०
2024-12-01-11-29-55.jpeg)
2024-09-28-06-07-18.jpeg)
