काठमाडौं- सुनको मूल्यमा बिहीबार नयाँ रेकर्ड कायम भएको छ ।
आज सुनको मूल्य हालसम्मकै उच्च रहेको नपाल सुनचाँदी व्यवसायी महासङ्घले जनाएको छ । महासङ्घका अनुसार आज सुनको मूल्य एक लाख १२ हजार पाँच सय पुगेको छ ।
बुधबार एक लाख १२ हजार रुपियाँ प्रतितोलामा सुनको खरिद बिक्री भएको थियो ।
त्यस्तै, आज तेजाबी सुनको मूल्य एक लाख ११ हजार ९५० रुपियाँमा कारोबार भइरहेको छ । यसैगरी चाँदीको मूल्य तोलामा १५ रुपियाँले बढेर एक हजार ४१० रुपियाँ कायम भएको महासङ्घले जनाएको छ ।
प्रकाशित:
Thursday, June 01, 2023 | 15:21:00 बिहीबार, १८ जेठ, २०८०
