काठमाडौं – न्यायालय विवाद प्रकरणमा कानुनमन्त्री दिलेन्द्रप्रसाद बडु अघि सर्नु भएकाे छ ।
राजनीतिक दलहरूले माैनता साँधिरहेका बेला मन्त्री बडुले प्रधानमन्त्री शेरबहादुर देउवालाई यस विषयमा भेटेर न्यायालयमा देखिएको समस्या समाधानका लागि ध्यानाकर्षण गराउनु भएकाे हाे ।
सत्तारुढ दल नेपाली कांग्रेसनिकट कानुन व्यवसायी, सांसदहरु, महान्यायाधिवक्ता तथा सर्वोच्च बारका पदाधिकारीकाे अनुराेधमा कानुनमन्त्री बडुले प्रधानमन्त्रीको ध्यानाकर्षण गराउनु भएकाे हाे ।
कात्तिक ८ गते सुरु भएको प्रधानन्यायाधीश चोलेन्द्र शमशेर जबराविरुद्धको आन्दोलनमा सर्वोच्च अदालतकै न्यायाधीशहरु समेत छन्। आन्दोलनका क्रममा हालसम्म कुनै निकास निस्कन नसकेको र न्यायालय झन् विवादित हुँदै गएपछि मन्त्री बडुले विकसित पछिल्लो परिस्थितिको बारेमा बिहीबार सराेकारवाला सँग छलफल गर्नु भएकाे थियाे ।
छलफलमा राष्ट्रिय सभा सदस्य एवं वरिष्ठ अधिवक्ता राधेश्याम अधिकारी, महान्यायाधिवक्ता खम्बबहादुर खाती, नेपाल बारका पूर्वअध्यक्ष प्रेमबहादुर खड्का, वरिष्ठ अधिवक्ता हरिहर दाहाल र सर्वोच्च बारका अध्यक्ष पूर्णमान शाक्यसहित सर्वोच्च बारका पदाधिकारीसमेत सहभागी थिए।
अदालतलाई सेटिङमा चलाएको, भ्रष्टाचार घटाउनुपर्नेमा झन् प्रश्रय दिएको, आफ्ना भाइमार्फत अदालतमा बिचौलिया राज बढाएको र रञ्जन कोइरालाको जस्ता धेरै मुद्दामा बदनियतपूर्वक फैसला गरेकाे भन्दै सर्वोच्चकै न्यायाधीश र बारका कानुन व्यवसायी प्रधानन्यायाधीश विरुद्ध आन्दोलनमा उत्रिएका छन्।
प्रकाशित:
Friday, November 12, 2021 | 13:03:00 शुक्रबार, २६ कार्तिक, २०७८
2025-06-30-03-54-53.gif)
