तिमीलाई देखाउन मिल्ने मेरो घर छैन प्रिय
त्यसैले त मैले तिमीलाई आउ भन्दिन
तिमीलाई देखाउन मिल्ने मेरो घर छैन प्रिय
त्यसैले त मैले तिमीलाई आउ भन्दिन
रहर त कति छन यी आँखामा देख्न सक्छौ
तर पनि सँगै बसि खाउ भन्दिन
झल्मल्ल हुन्थ्यो होला तिम्रो आगमनले मेरो आगनी
झल्मल्ल हुन्थ्यो होला तिम्रो आगमनले मेरो आगनी
माफ गर जानेरै तिमीलाई आउ भन्दिन
माफ गर जानेरै तिमीलाई आउ भन्दिन
सम्मान, समर्पण अनि त्याग हो र त प्रेम
बुझ्छु मुटुमा लाग्ने घाउ भन्दिन
तिमीलाई देखाउन मिल्ने मेरो घर छैन प्रिय
त्यसैले त मैले तिमीलाई आउ भन्दिन
अप्ठ्यारो नपार न प्रिय मलाई बोलाउ भनेर
तिमीलाई थाहा हुनुपर्छ आएपछि मैले जाउ भन्दिन
अप्ठ्यारो नपार न प्रिय मलाई बोलाउ भनेर
तिमीलाई थाहा हुनुपर्छ आएपछि मैले जाउ भन्दिन
फरक फरक बुझाइ अनि परिभाषा यो मायाको
मैले जस्तै तिमीले पनि लाउ भन्दिन
तिमीलाई देखाउन मिल्ने मेरो घर छैन प्रिय
त्यसैले त मैले तिमीलाई आउ भन्दिन
रहर त कति छन यी आँखामा देख्न सक्छौ
तर पनि सँगै बसि खाउ भन्दिन
विद्यालयदेखि नै कविता, गीत, गजल लेखन तथा नृत्य र गायनमा रुचि राख्ने शीतलको बाल्यकाल गुल्मीको ग्वादी वरपर बित्यो । त्यसैले, उहाँका रचनामा ग्रामीण जनजीवनको छनक पाइन्छ, प्राकृतिक सौन्दर्यको बखान भेटिन्छ । जीवनका भोगाइ, अनुभूति, समाजका तस्वीर र पुरुष सोचले निर्माण गरेका सामाजिक परिदृश्य उहाँका रचनामा प्रशस्त भेटिन्छन् । अखबारी लेखन र वाचनमा समेत रुचि राख्नुहुने शीतलका गीत, गजल र कविताहरू विभिन्न पत्रपत्रिकामा प्रकाशित छन् । निजामती सेवामा कार्यरत शीतल कार्यालय र घरको जिम्मेवारीबाट बचेको समय साहित्य लेखनमा खर्चिन रुचाउनुहुन्छ । शीतलका रचनालाई पाठक समक्ष पुर्याउने नेपालमतको स्तम्भ शीतल कुञ्ज मा उहाँको मधुर स्वरका रचना वाचन सुन्न र पढ्न सकिन्छ । - सम्पादक
प्रकाशित:
Tuesday, July 19, 2022 | 14:03:00 मंगलबार, ३ श्रावण, २०७९
