केशव स्थापित, मेयरका उम्मेदवार, नेकपा एमाले, काठमाडाैं महानगरपालिका
सरसफाई सम्बन्धीको अहिलेको व्यवस्थापन ठिक छैन । मैले अहिले हैन, पहिले पनि यो विषयमा आवाज उठाएको थिएँ, तर कोहीले सुनेन । म काठमाडौँको मेयर भएँ भने, यो विषयमा एक वर्ष भित्रै काम सुरु गर्नेछु । फोहोरमा राजनीति गर्न पाइँदैन र म गर्नेपनि छैन । यसका लागि काठमाडौँको मेयरले मात्र हैन उपत्यकाका आउने गाडीहरुलाई नै हामीले सफा गर्न लाग्नुपर्छ । यो नियम कडा बनाउनुपर्छ । हामीले यति मात्र गर्यो भनेपनि पाँच सय टन धुलो काठमाडौँ पस्न पाउँदैन । यसमा सबै पालिकाका प्रतिनिधि लाग्नुपर्छ । काठमाडौँमा अहिलेपनि खाली जग्गा धेरै छ । केशरमहल, नारायणहिटी वरीपरी रहेको पर्खाललाई भत्काएर म खुल्ला काठमाडौँ बनाउने छु । म काम गर्छु र यसमा सबैको साथ चाहिन्छ । मेयर भएपछि सबैभन्दा पहिले जनताको गुनासो सुन्ने र त्यसपछि समाधान गर्न तर्फ लाग्ने छु ।
प्रकाशित:
Monday, May 09, 2022 | 21:13:00 सोमबार, २६ बैशाख, २०७९
