काठमाडौं– आईसीसी महिला टी–२० विश्वकप एसिया छनोट अन्तर्गतको पहिलो खेलमा नेपाल पराजित भएको छ । नेपाल हङकङसँग ६ विकेटले पराजित भएको हो ।
दुबईको आईसीसी क्रिकेट एकेडेमीमा सोमबार दिउँसो भएको खेलमा टस हारेर पहिले ब्याटिङ गरेको नेपालले ३ विकेटको नोक्सानीमा १०४ रन जोडेको थियो । १०५ रनको सामान्य विजयी लक्ष्य पछ्याएको हङकङले १८ ओभरमा ४ विकेटको नोक्सानीमा पूरा गर्यो ।
हङकङका लागि मारिको हिलले ४२ रन, केरी चानले १७, नताशा माइल्सले १६ र र इमा लाईले १४ रन बनाउनुभयो ।
नेपालका लागि बिता कुँवर दोस्रो बलमै आउट भएपछि केही तनावमा आएको नेपालका लागि अर्की ओपनर सीता रानामगरले सर्वाधिक ४० रन जोड्नुभयो । इन्दु बर्माले ३७ बलमा नटआउट रहँदै ३१ रन जोड्नुभयो भने काजल श्रेष्ठले ४ रन, रुबिना क्षेत्री २ रन जोड्दै नटआउट हुनुभयो ।
नेपालले दोस्रो खेल मंगलबार भुटानविरुद्ध खेल्नेछ ।
प्रकाशित:
Monday, November 22, 2021 | 15:26:00 सोमबार, ६ मङ्सिर, २०७८
