काठमाडौं - दिपक बस्नेतको पहिलो गीत 'बोली मिठो' सार्वजनिक भएको छ ।
मिलन विकको स्वर, शिव अनुरागको संगीत, दिपक बस्नेतको शब्द रचना रहेको यो गीतको संगीत संयोजन सञ्जय श्रीपालीले गरेका छन् । सन्तोष सुनारले छायांकन गरेको भिडियोलाई उदय प्रकाशले सम्पादन गरेका छन् ।
भिडियोमा चर्चित बेली डान्सर बन्दना बेली र दिपक बस्नेतलाई मूख्य भूमिकामा देखाइएको छ । सहायक कलाकारमा ड्रिम डान्स परिवार रहेका छन् ।
'बोली मिठो' गीतमा गाउँको पृष्ठभूमिबाट पढ्न बजार झरेको युवाको किशोर अवस्थालाई उजागर गर्ने कथा समेटिएको छ । रोहन मगर र भिरन श्रेष्ठको कोरियोग्राफी रहेको भिडियोलाई अन्जित बोहोराले निर्देशन गरेका हुन् ।
दिपक बस्नेतले निर्माण गरेको उक्त गीत आफ्नै यूटुब च्यानल अनुदिप क्रियशन मार्फत सार्वजनिक गरिएको हो ।
प्रकाशित:
Monday, October 16, 2023 | 22:37:00 सोमबार, २९ असोज, २०८०
2025-01-27-10-52-05.jpeg)
