ताजा

  • शनिबार, २ असार, २०८१
  • ०१:०८:०७
  • नेपालीको अभिमत

समाचार

असोज २ गते राष्ट्रिय शिक्षा दिवस मनाइने, जापान सरकारबाट ४१ करोड अनुदान स्वीकार गर्ने सरकारको निर्णय

नेपालमत

मंगलबार, ९ जेठ, २०८०

काठमाडौं- मन्त्रिपरिषद्को बैठकले असोज २ गते राष्ट्रिय शिक्षा दिवस मनाउने निर्णय गरेको छ । 

मंगलबार मन्त्रिपरिषद्को बैठकको निर्णय सार्वजनिक गर्नुहुँदै सञ्चार तथा सूचना प्रविधि रेखा शर्माले शिक्षा, विज्ञान तथा प्रविधि मन्त्रालयको प्रस्तावमा प्रत्येक वर्षको असोज २ गते सो दिवस मनाउने निर्णय गरेको जानकारी दिनुभयो । 

उहाँले परराष्ट्र मन्त्रालयको प्रस्तावमा परराष्ट्र मामिला अध्ययन प्रतिष्ठान विकास समिति तेस्रो संशोधन आदेश, २०८० लाई स्वीकृत गर्ने निर्णय गरेको बताउनुभयो । 

सञ्चारमन्त्री शर्माले भन्नुभयो, “तेस्रो संशोधन आदेशलाई स्वीकृत गर्ने प्रक्रियामा केही जटिलता रहेछन् । संशोधन गर्ने कुरालाई स्वीकृत गरिएको छ । खासगरी ६० वर्षभित्रका व्यक्तिलाई प्रक्रियामा समावेश गर्ने भनिएकोमा दुई, तीन पटकसम्म निवेदन नआएकाले बढाएर यो ६५ वर्ष बनाएका छौँ ।”

यस्तै सरकारले जापान सरकारबाट प्राप्त हुने ४१ करोड रुपैयाँ बराबरको अनुदान सहायता स्वीकार गर्ने निर्णय गरेको छ। जापान सरकारबाट मानव संशाधन विकास छात्रवृत्ति (जेडीएस) को तेस्रो चरणको प्रथम ब्याजका लागि प्राप्त हुने ४१ करोड रुपैयाँ बराबरको अनुदान सहायता स्वीकार गर्ने निर्णय गरेको हो।

सञ्चारमन्त्री शर्माले अर्थ मन्त्रालयकै प्रस्तावमा भन्सार महसुल सम्बन्धमा नयाँ विधेयक तर्जुमा गर्न सैद्वान्तिक स्वीकृति प्रदान गर्ने निर्णयसमेत भएको बताउनुभएको छ। उहाँले भन्नुभयो, “भन्सार महसुल सम्बन्धमा नयाँ विधेयक तर्जुम गर्ने बाटो खुलेको छ। यो विधयेक तर्जुमा हुनेछ।”

यसैगरी, विद्यालय शिक्षा क्षेत्र आयोजनाका लागि विश्वव्यापी साझेदारीबाट प्राप्त हुने १९.७० मिलियन अमेरिकी डलर बराबरको अनुदान सहायता स्वीकार गर्ने निर्णय मन्त्रिपरिषद्को बैठकले गरेको छ।

नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।

थप समाचार

© 2024 कृष्णसार मल्टिमिडिया. All Rights Reserved