काठमाडौं - शिक्षाका सवालमा मिडिया क्षेत्रबाट काम गर्दै आएको शिक्षा पत्रकार समूह २७औँ वर्षमा प्रवेश गरेको छ ।
समूहले एक कार्यक्रम गरी स्थापना दिवस मनाएको छ । सो अबसरमा अध्यक्ष निर्जला कक्षपतिले समूहका उद्देश्यलाई परिपूर्ति गर्न थप सक्रिय र एकताबद्ध भएर लाग्ने प्रतिबद्धता व्यक्त गरिन्।
समूहका पूर्व अध्यक्षहरू नारायण अमृत, प्रकाश सिलवाल र तुला अधिकारीले संस्थाको स्थापना दिवसमा शुभकामना दिँदै आफ्नो उद्देश्यमा कटिबद्ध भएर लाग्नुपर्नेमा जोड दिए । विसं २०५६ मा पत्रकार राजन शर्माको नेतृत्वमा स्थापना भएको समूहमा हाल करिब ५० सदस्य आबद्ध रहेका छन् भने समूहको प्रदेशगत सञ्जाल पनि छ ।
समूहले स्थापना दिवसका अबसरमा हरेक २ वर्षमा आयोजना गर्ने सम्मान–पुरस्कार वितरण कार्यक्रम यसपाली आसन्न प्रतिनिधिसभा सदस्य निर्वाचनका कारण पछि सारिएको जानकारी दिइन् ।
.jpg)
प्रकाशित:
Tuesday, February 17, 2026 | 19:06:00 मंगलबार, ५ फाल्गुण, २०८२
2026-01-15-09-32-57.jpeg)
