काठमाडौं- सिंगिङ सुपरस्टारको पहिलो सिजनको उपाधि खोटाङका गायक राजेश राईले जित्नु भएको छ ।
हलेसी तुवाचुङ नगरपालिका–९ सल्लेका राईले भ्वाईस स्टार नेपालले निर्माण गरेर ईमेज च्यानलबाट प्रसारण भैरहेको सांगीतिक रियालिटी शो ‘नेपाल्स सिंगिङ सुपरस्टार ब्याटल अफ द स्टार्स’को उपाधि जित्नु भएको हो ।
आइतबार भएको फिनालेमा प्रथम स्थान प्राप्त गर्नुभएका गायक राईले २० लाख नगद र म्युजिक नेपालसँग सम्झौता लगायत पुरस्कार प्राप्त गर्नु भएको छ ।
उहाँ विगत १३ वर्षदेखि सांगीतिक क्षेत्रमा संघर्षरत हुनुहुन्छ । फिनालेमा नामगेल लामा फस्ट रनर अप र दीपक सापकोटा सेकेन्ड रनर अप भएका छन् ।
कार्यक्रम हरेक आइतबार र सोमबार साँझ ईमेज च्यानलबाट प्रसारण हुँदै आएको थियो ।
प्रकाशित:
Monday, November 14, 2022 | 09:18:00 सोमबार, २८ कार्तिक, २०७९
