काठमाडौं- नेपाली काँग्रेसले १४ औं महाधिवेशन अन्तर्गत् प्रदेश तहको अधिवेशन २ दिन पछि सारेको छ ।
सभापति शेरबहादुर देउवा, वरिष्ठ नेता रामचन्द्र पौडेल र पूर्वमहामन्त्री कृष्णप्रसाद सिटौला र निर्वाचन समितिबीच सोमबार भएको छलफलपछि प्रदेश तहको अधिवेशन २ दिन पछाडी सारिएको हो ।
काँग्रेसको निर्वाचन समिति संयोजक वरिष्ठ अधिवक्ता गोपालकृष्ण घिमिरेले मंसिर १८ र १९ गते प्रदेश तहको अधिवेशन हुने जानकारी दिनु भयो ।
यसअघि १६ र १७ मंसिरमा प्रदेश तहको अधिवेशन हुने तालिका थियो ।
काँग्रेसले १४ औँ महाधिवेशन आगामी मंसिर २४–२६ सम्म काठमाडौंमा गर्दैछ ।
प्रकाशित:
Monday, November 29, 2021 | 16:06:00 सोमबार, १३ मङ्सिर, २०७८
