काठमाडौं - सीजी कम्युनिकेसन्सले काठमाडौं उपत्यकामा सस्तोदरमा इन्टरनेट सेवा सुरु गरेको छ ।
आजदेखि कम्पनीले ‘सीजी नेट’ काे सेवा नेपाली बजारमा उपलब्ध इन्टरनेट सेवाभन्दा आधा सस्तो मूल्यमा ल्याएको हो ।
१२० एमबीपीएस गतिको ‘सीजी नेट’ ९९९ रुपैयाँमा उपलब्ध गराउने सीजी कम्युनिकेसन्सले जनाएकोछ ।
शुरुवातमा कम्पनीको सेवा काठमाडौं उपत्यकाका तीनवटै जिल्लामा उपलब्ध हुनेछ । तत्कालका लागि जावलाखेल, झम्सिखेल, भनिमण्डल र एकान्तकुनाका बासिन्दाले कम्पनीको सेवाको फाइदा उठाउन सक्नेछन् ।
उपभोक्ताकेन्द्रित सेवा शुरु गरिएको र यसले उपभोक्ताको जीवनमा विल्कुलै नयाँ अनुभव गराउने विश्वास सीजी कम्युनिकेसन्सको छ ।
सीजी नेट सम्बन्धि सम्पूर्ण जानकारी www.cgnet.com.np मा उपलब्ध छ । एक बर्ष भित्र देशभर ‘सीजी नेट’ विस्तार गर्ने कम्पनीले जनाएको छ ।
प्रकाशित:
Tuesday, June 01, 2021 | 15:18:00 मंगलबार, १८ जेठ, २०७८
