श्रीलंकाको प्रधानमन्त्रीमा रनिल विक्रमासिंघे नियुक्त हुनु भएको छ । सन् १९९३ देखि विक्रमासिंघे पाँच पटक प्रधानमन्त्री भइसक्नु भएको छ ।
बिहीबार राष्ट्रपति गोटावाया राजापाक्षेले उहाँलाई प्रधानमन्त्री नियुक्त गर्नु भएको हो ।
श्रीलंङ्कामा देखिएको आर्थिक समस्याका कारण प्रधानमन्त्री महिन्दा राजापाक्षेले राजीनामा दिएपछि विक्रमासिंघे प्रधानमन्त्री नियुक्त हुनु भएको हो ।
७३ वर्षका विक्रमासिंघेले मुलुकमा देखिएको आर्थिक समस्या समाधान गर्ने र राजनीतिक अस्थिरता अन्त्य गर्ने जिम्मेवारी पाउनु भएको छ । उहाँले एक हप्ताभित्र नयाँ सरकार गठन गर्नुपर्नेछ ।
पेशाले कानुन व्यवसायी रहेका विक्रमासिंघे ७० को दशकदेखि राजनीतिमा हुनुहुन्छ ।
प्रकाशित:
Thursday, May 12, 2022 | 21:30:00 बिहीबार, २९ बैशाख, २०७९
