काठमाडौं– आइतबार शेयर बजारमा पहिरो गएको छ । नेप्से परिसूचक ८०.२९ अंकले घटेर २६५१.४९ विन्दुमा झरेको हो ।
यस्तै सेन्सेटिभ परिसूचक पनि १४.१९ अंकले घटेर ५०१.४५ विन्दुमा झरेको छ । कारोबारमा आएका कूल २३४ वटा कम्पनीको एक करोड १९ लाख ३ हजार २ सय २ कित्ता शेयर खरिदबिक्री हुँदा ५ अर्ब ८३ करोड ५१ लाख ३५ हजार ५५ रूपैयाँ बराबरको कारोबार भएको छ ।
नेप्से परिसूचक उच्च अंकले घट्दा कारोबार हुने १३ वटै उपसमूह ओरालो लागेका छन् ।आइतबार म्युचुअल फण्डसहित जम्मा १० वटा कम्पनीको शेयरमूल्य बढेको छ । आज आइसिएफसी फाइनान्स कम्पनी लिमिटेडको शेयरमूल्य सबैभन्दा धेरै ९।७७ प्रतिशतले बढेर ९ सय ३२ रूपैयाँ पुगेको छ ।
यस दिन महालक्ष्मी विकास बैंक लिमिटेडको सर्वाधिक कारोबार भएको छ । बैंकको २९ करोड ८१ लाख रूपैयाँ बराबरको कारोबार भएको हो ।आज हिमालयन पावर पार्टनरको शेयरमूल्य सबैभन्दा धेरै घटेको छ ।
प्रकाशित:
Sunday, November 28, 2021 | 16:00:00 आइतबार, १२ मङ्सिर, २०७८
