सिन्धुली- मध्ये पहाडी लोकमार्गअन्तर्गत सिन्धुलीको फिक्कल गाँउपालिका-४ कुईभिरमा आईतबार विहान भएको बस दुर्घटनामा मृत्यु हुनेको संख्या छ पुगेको छ ।
दुर्घट्नामा परि २९ जना घाईते भएको जिल्ला प्रहरी कार्यालयले जनाएको छ । मृत्यु हुनेमा तीन महिला र तीन पुरुष छन् ।
उनीहरुको घट्नास्थलमा नै मृत्यु भएको प्रहरी उपरिक्षक राजकुमार सिलवालले जानकारी दिनुभयो । उहाँका अनुसार ओखलढुङगा जिल्लाबाट काठमाडौंका लागि छुटेको बा २ ख ६५९६ नम्बरको बस उक्त ठाँउमा दुर्घट्ना भएको हो ।
मृतकको सनाखत गर्न बाँकी रहेको पनि उहाँले बताउनुभयो । बसमा चालक सहित ३५ जना सवार थिए ।
घाईतेमध्ये पाँच जनाको अवस्था गम्भिर रहेकाले उनीहरुलाई हेलिकोप्टर मार्फत काठमाडौं पठाउने तयारीमा छ । बाँकी घाईतेहरुको उद्धार गरि उपचारका लागि खुर्कोट अस्पताल पठाइएकोसमेत प्रहरी उपरिक्षक सिलवालले जानकारी दिनुभयो ।
यस्तै, बसको ब्रेक फेल भएर दुर्घट्ना भएको हुनसक्ने अनुमान गरिएको छ ।
प्रकाशित:
Sunday, March 12, 2023 | 12:21:00 आइतबार, २८ फाल्गुण, २०७९
