काठमाडौं— त्रिभुवन विमानस्थलबाट ९ केजी सुनसहित एक विदेशी नागरिक पक्राउ परेका छन् ।
युएई मूलका क्यानडेली नागरिक मोहमद कमल मोहगोबलाई बुधबार राति विमानस्थल भन्सार कार्यालयले पक्राउ गरेको हो ।
दुबईबाट जहाजमा आएका मोहमदलाई ९ केजी १३५ ग्राम अवैध सुनसहित पक्राउ गरेको विमानस्थल भन्सार कार्यालयले जनाएको छ ।
ती व्यक्तिले कम्मरमा फल्स बटन बनाएर आठवटा बिस्कुट आकारका १ केजीभन्दा बढी मात्राको सुन ल्याएका थिए । उनको साथबाट बरामद गरिएको नीलो आवरणमा रहेको वस्तु पनि परीक्षण गर्दा सुन भएको पाइएको भन्सार कार्यालयका प्रवक्ता यमराज पाण्डेले बताउनु भयो ।
उनीमाथि थप अनुसन्धान भइरहेको छ ।
प्रकाशित:
Thursday, February 02, 2023 | 08:41:00 बिहीबार, १९ माघ, २०७९
