भारतको पश्चिमी राज्य गुजरातको एक अदालतले आफ्ना गाईवस्तुलाई सडकमा छाड्ने एक व्यक्तिलाई ६ महिनाको जेल सजाय सुनाएको छ ।
गाइबस्तुलाई छाडा छोडेको र जनताको ज्यान जोखिममा पारेको अभियोगमा अदालतले प्रकाश जयराम देसाईलाइ दोषी ठहर गरेको हो ।
सडकमा छाडा गाइबस्तु छोडिने विभिन्न राज्यमध्ये गुजरात पनि एक हो । सडकमा छोडिने छाडा गाईवस्तुका कारण त्यहाँ सवारीलगायतका दुर्घटना हुने गरेका छन् । अपराध बढ्दै गएकाले दोषीलाई सजाय सुनाइएको अदालतले जनाएको छ ।
हिन्दुहरूको बाहुल्यता रहेको भारतमा गाई पवित्र जनावर हुन् । गुजरातलगायत १८ राज्यमा तिनीहरूलाई मार्नु गैरकानुनी छ ।
सन् २०१७ मा गुजरातले गाईको हत्या गर्नेहरूलाई आजीवन कारावासको सजाय हुने सूचना जारी गरेर गाई संरक्षण कानुनलाई कडा बनायो ।
प्रकाशित:
Tuesday, November 22, 2022 | 16:44:00 मंगलबार, ६ मङ्सिर, २०७९
