काठमाडौं- गैरआवासीय नेपाली संघ (एनआरएनए) का उपाध्यक्ष डा. हेम राज शर्माले पूर्वआधार तयार गरेर संघको नेतृत्व चयनको लागि प्रत्यक्ष मतदान गर्न सकिने बताउनु भएको छ।
नेपाली प्रवासी मञ्च अन्तराष्ट्रिय समितिले आइतवार गरेको एक अन्तरक्रिया कार्यक्रमलाई सम्बोधन गर्दै डा. शर्माले आफु शुरु देखीनै साधारण सदस्यहरुबाटै नेतृत्व चयन हुनु पर्ने पक्षमा रहेको बताउनु भयो ।
उहाँले सन् २०२३ मा संघको नेतृत्वको लागि निर्वाचन गर्न नसके संस्थानै विघटन हुने बताउनु भयो ।
पूर्वाधार र क्षेत्रीय सन्तुलनका आधार तयार गरेपछि प्रत्यक्ष साधारण सदस्यहरुले नेतृत्व चयन गर्ने गरि मतदान गर्न सकिने उहाँले बताउनु भयो ।
तीनवटा अध्यक्ष बनाएपछि मुखै देखाउन नसक्ने अबस्था आएको उहाँले जनाउनु भयो । अहिलेकै विधानमा न्यूनत सहमति गरेर अघि बढ्न उहाँले सबै पक्षलाई आग्रह समेत गर्नुभयो ।
संघको विधान समितिका संयोजक समेत रहनुभएका डा। शर्माले विधान निमार्ण भन्ने विषय प्राविधिक मात्र भएको भन्दै वर्तमान नेतृत्वलाई सहमतिको खाका प्रस्तुत गर्न आग्रह गर्नुभयो ।
प्रकाशित:
Monday, September 19, 2022 | 13:54:00 सोमबार, ३ असोज, २०७९
