काठमाडौं- सोमबार शेयर बजार दोहोरो अंकले ओरालो लागेको छ ।
आइतबार ९५ अंकले बढेको नेप्से आज २३.८५ अंकले ओरालो लागेर १९३३.१३ को बिन्दुमा झरेको छ ।
कारोबारमा आएका २२९ कम्पनीको ५६ लाख ८ कित्ता शेयर किनबेच हुँदा २ अर्ब २ करोड ८० लाख ८८ हजार ३४२ रुपैयाँको कारोबार भएको छ ।
आज सर्वाधिक नागरिक लगानी कोषको शेयर खरिदबिक्री भएको छ । कम्पनीको आज १५ करोडमाथिको शेयर खरिदबिक्री भएको हो ।
कम्पनीको शेयरमूल्य आज एकैदिन ११४ रुपैयाँका दरले बृद्धि भएसँगै लगानीकर्ताहरुले धमाधम शेयर बिक्री गरेका हुन् ।
कारोबारको अन्तिम समयसम्म कारोबारमा आएका २२९ कम्पनीमध्ये ३१ कम्पनीको मात्र शेयरमूल्य बढेको छ ।
सोमबार १३ उपसमूहमध्ये दूई उपसमूहको परिसूचक बढेको छ भने बाँकी ११ उपसमूहको परिसूचक घटेको छ।
प्रकाशित:
Monday, June 27, 2022 | 15:36:00 सोमबार, १३ असार, २०७९
