काठमाडौं– नेपालले क्यानडासँग दुई दिवसीय प्रतियोगीता खेल्ने भएको छ ।
नेपालले आईसीसी लिग २ अन्तर्गत स्कटल्याण्डमा हुने शृङ्खला अघि तयारीस्वरुप यो शृङ्खला खेल खेल्न लागेको हो ।
नेपालले असार १७ ओन्टारियोसँग एक दिवसीय अभ्यास खेल खेल्नेछ भने क्यानडासँग असार २० र २१ गते गरी दुईवटा खेल खेल्ने तालिका छ ।
खेलका लागि नेपाल असार १४ गते राति क्यानडा उड्ने तयारीमा रहेको छ ।
यस्तै क्यानले क्यानडा टुरका लागि १४ खेलाडीको नामावली समेत सार्वजनिक गरेको छ ।
टोलीमा कप्तान सन्दिप लामिछाने, उपकप्तान रोहित पौडेल, कुशल भुर्तेल, विकेट किपर आसिफ शेष, देव खनाल, दीपेन्द्र सिंह ऐरी, आरिफ शेष, करन केसी, सोमपाल कामी, आदिल अन्सारी, वासिर अहमद, पवन सराफ, किशोर महतो र विनोद भण्डारी छन् ।
प्रकाशित:
Sunday, June 26, 2022 | 11:37:00 आइतबार, १२ असार, २०७९
