काठमाडौं - जल पर्यटनमा काम गर्ने र्याफ्टिङ व्यवसायीको छाता संगठन नेपाल एसोसिएसन अफ र्याफ्टिङ एजेन्सिज् (नारा)को अध्यक्षमा पर्यटन व्यवसायी शिव अधिकारी सर्वसम्मत निर्वाचित हुनु भएको छ ।
शुक्रबार भएको ३३ औं साधारणसभाबाट अधिकारीसहित पदाधिकारी सर्वसम्मत छानिएका हुन् ।
नाराको उपाध्यक्षमा शिशिर खनाल, महासचिवमा नारायण श्रेष्ठ, सचिवमा राजु खड्का, कोषाध्यक्षमा राजेन्द्र थपलिया, सहकोषाध्यक्षमा इन्दुदेवी वाग्ले र सदस्यहरुमा मदन ढकाल र महेन्द्र श्रेष्ठ छानिनु भएको छ ।
एडरिफ्ट एडभेन्चरका संञ्चालक रहेका नवनिर्वाचित अध्यक्ष अधिकारीले पर्यटन क्षेत्रमा रहेका समस्या समाधान गर्ने र यो क्षेत्रको प्रचारप्रसार तथा विकासका लागि आफुले सकेको प्रयास गर्ने बताउनु भयो ।
विश्वभरका साना ठूला गरी ६ हजार नदीनालामध्ये एडभेन्चर क्षेत्रका १० उत्कृष्ट नदीमध्ये सातौंमा नेपालको भोटेकोसी र सुनकोसी नदी पर्ने सिन्धुपाल्चोकमा नाराको ३३ औं साधारण सभा आयोजना भएको हो ।
प्रकाशित:
Friday, June 03, 2022 | 22:08:00 शुक्रबार, २० जेठ, २०७९
