बाजुरा- बाजुरामा बिहीबार २१ जनामा कोरोना संक्रमण पुष्टि भएको छ ।
जिल्ला अस्पताल बाजुरामा ३३ जनाको पिसिआर विधिबाट परीक्षण गर्दा १५ जनामा र १५ जनाको एन्टिजेन परीक्षण गर्दा ६ जनामा कोरोना संक्रमण पुष्टि भएका जिल्ला स्वास्थ्य कार्यालय बाजुराका निमित्त प्रमुख देखनाथ न्यौपानेले बताउनु भएको छ ।
पिसिआर परीक्षणबाट कोरोना संक्रमण पुष्टि भएका १५ जना मध्ये १३ जना बडिमालिका नगरपालिकाका र २ जना गौमुल गाँउपालिकाका छन् ।
त्यस्तै, भारतबाट फर्किएका विभिन्न १५ जनामा एन्टिजेन परीक्षण गरिएको हो ।
संक्रमण पुष्टि भएका सबै होम आइसोलेसनमा छन् ।
उनीहरुको स्वास्थ्य अवस्था सामान्य रहेको जिल्ला स्वास्थ्य कार्यालय बाजुराले जनाएको छ ।
प्रकाशित:
Thursday, January 20, 2022 | 16:54:00 बिहीबार, ६ माघ, २०७८
