एजेन्सी-भारतमा एकैदिन तीन लाख १७ हजार ५३२ जनामा कोरोना संक्रमण पुष्टि भएको छ ।
२४ घण्टामा परिक्षण गरिएका मध्ये १६.४१ प्रतिशतलाई कोरोना पोजेटिभ देखिएको जनाइएको छ । भारतमा बुधबार दुई लाख २३ हजार ९९० जना सङ्क्रमणमुक्त भएका छन् । यो सँगै सङ्क्रमणमुक्त हुनेको सङ्ख्या तीन करोड ५८ लाख ७ हजार २९ पुगेको छ ।
भारतमा सङ्ख्या १९ लाख २४ हजार ५१ सक्रिय संक्रमित रहेका छन् ।
यस्तै बुधकार त्यहाँ ४९१ जनाको कोरोनाका कारण मृत्यु भएको छ । यो सँगै भारतमा कोरोनाका कारण मृत्यु हुनेको सङ्ख्या चार लाख ८७ हजार ६९३ पुगेको छ ।
भारतमा सन् २०२१ को जनवरी १६ बाट कोरोना भाइरसविरुद्ध खोप अभियान सुुरु भएको थियो । सो समयदेखि हालसम्म एक अर्ब ५९ करोड ६७ लाख भन्दा बढी कोरोनाविरुद्ध खोपको डोज लगाइएको छ ।
प्रकाशित:
Thursday, January 20, 2022 | 16:16:00 बिहीबार, ६ माघ, २०७८
