रूपन्देही- रुपन्देही क्रिकेट संघको अध्यक्षमा स्थानीय व्यवसायी हरिबहादुर थापा निर्वाचित हुनु भएको छ ।
चर्चित क्रिकेटर शक्ति गौचनलाई पराजित गर्दै थापा जिल्ला क्रिकेट संघ अध्यक्षमा निर्वाचित हुनु भएको हो ।
भैरहवामा सम्पन्न संघको चौथो अधिवेशनबाट ६४ मतका साथ थापा अध्यक्षमा निर्वाचित हुनु भयो भने निकटतम प्रतिस्पर्ध चर्चित क्रिकेटर गौचनले ४० मत प्राप्त गर्नु भयो ।
त्यसैगरी उपाध्यक्षमा ६० मतसहित धिरज अधिकारी क्षेत्री, सचिवमा ६५ मतसहित संजय गुरुङ र कोषाध्यक्षमा ५३ मतसहित निरजप्रताप खाँण निर्वाचित हुनु भएको छ ।
क्रिकेट संघमा थापा र गौचन प्यानल खडा गरी निर्वाचनमा होमिएका थिए ।
पदाधिकारीमा अध्यक्षसहित सबै थापा समूहका निर्वाचित भएका छन् ।
संघको महिला सदस्यमा उमा अधिकारी निर्विरोध निर्वाचत हुनु भएको छ ।
अन्य सदस्यहरुमा भरत थापा, विजय सिंह ज्ञवाली, पुनित पोखरेल, निराकार पन्त,शेषमणि चौधरी,प्रथम पराजुली, मनोज भण्डारी, उदयकुमार मल्लिक, कमल पाण्डे र श्रीराम नेपाली निर्वाचित हुनु भयो ।
प्रकाशित:
Thursday, January 20, 2022 | 14:24:00 बिहीबार, ६ माघ, २०७८
