रोल्पा- रोल्पामा एक महिलाले आफ्नै पतिको हत्या गरेको पाइएको छ ।
रोल्पाको सुनछहरी गाउँपालिका वडा नम्बर ६ फगामकी ४१ वर्षीया महिला निमा पुनमगरले ४५ वर्षका आफ्ना पति काले पुनमगरको हत्या गरेको पाइएको प्रहरीले जनाएको छ ।
मंगलबार साँझ पतिपत्नीबीच आफ्नै घरमा झगडा हुँदा ढंगाले हानेर काले पुनमगरको हत्या भएको पाइएको प्रहरीले बताएको छ ।
ईलाका प्रहरी कार्यालय सुलीचौरबाट प्रहरी निरीक्षक लक्ष्मण वलीको नेतृत्वमा घटनास्थल पुगेको प्रहरी टोलीले घटनाबारे थप अनुसन्धान गरिरहेको जिल्ला प्रहरी कार्यालय रोल्पाले जनाएको छ ।
प्रकाशित:
Wednesday, January 19, 2022 | 07:27:00 बुधबार, ५ माघ, २०७८
