एजेन्सी– साउथ सुपरस्टार धनुष र ऐश्वर्या रजनीकान्त अलग्गिने भएका छन् ।
विवाहको १८ वर्ष पछि उनीहरूले सम्बन्धविच्छेद गर्न लागेका हुन् । सामाजिक सञ्जालका मार्फत ऐश्वर्या र धनुषले अलग्गिने निर्णय सुनाउँदै आफूहरूको गोपनियताको सम्मान गर्न आग्रह गरेका छन् ।
धनुष लेख्नुहुन्छ ‘हामी १८ वर्ष सँगै रह्यौ । यो समय हामी साथी, आमाबाबु, जोडी र एकअर्काको साथी बनेर बस्यौ । यो यात्रामा हामीले अगाडि बढ्नका लागि एकअर्कालाई सम्झियौ र धेरै कुरा भयो । आज हाम्रो बाटो अलग्गिँदैछ । म र ऐश्वर्या एक जोडीका रुपमा अलग हुँदैछौं । हामी अहिले हरेक विषयलाई अलग–अलग किसिमले सम्झिने कोसिस गरिरहेका छौं । कृपया हाम्रो यो निर्णयको सम्मान गर्नुहोला र गोपनियताको अवसर दिनुहोला’, ।
उनीहरूको दुई छोरा रहेका छन् । स्मरण रहोस् ऐश्वर्या साउथ सुपरस्टार रजनीकान्तकी छोरी हुनुहुन्छ ।
प्रकाशित:
Tuesday, January 18, 2022 | 12:30:00 मंगलबार, ४ माघ, २०७८
