काठमाडौंं- नेपाली स्वास्थ्य परिचारिक (नर्स) लाई बेलायतमा रोजगारीको अवसर दिनेबारे बेलायत र नेपालबीच शुक्रबार औपचारिक वार्ता हुने भएको छ ।
नेपाल र बेलायत सरकारले गठन गरेको वार्ता टोलीले शुक्रबारदेखि औपचारिक रुपमा नर्स बेलायत लैजानेबारे छलफल गर्न लागेको श्रम,रोजगार तथा सामाजिक सुरक्षा मन्त्रालयले जनाएको छ ।
वार्ताका लागि बेलायतले नेपालस्थित दूतावासका अधिकारी र नेपालले मन्त्रालयका सहसचिव राजीव पोखरेलको नेतृत्वमा वार्ता टोली गठन गरिएको छ ।
वार्तामा बेलायतसँग करार अवधि, श्रमिकको हित, सुविधा र छनोट विधिसहितका प्रक्रिया बारेमा छलफल हुने मन्त्रालयले जनाएको छ ।
प्रकाशित:
Thursday, January 13, 2022 | 19:15:00 बिहीबार, २९ पौष, २०७८
