काठमाडौं- पछिल्लो समयमा कोरोना भाइरसबाट संक्रमित हुनेमा बालबालिकाको संख्या पनि बढ्दै गएको छ ।
बिहीबार देशभर ३५ सय ४३ जना संक्रमित हुँदा १० वर्ष मुनिका ६४ जना बालबालिका संक्रमित भएका छन् ।
बुधबार देशभर १० वर्ष मुनिका ४९ जना बालबालिका संक्रमित भएका थिए ।
त्यस्तै, ११ देखि १७ वर्षसम्मका बालबालिकामा पनि संक्रमणदर उच्च रहेको स्वास्थ्य तथा जनसंख्या मन्त्रालयले जनाएको छ ।
११ देखि २० वर्ष मुनिको आधारमा तथ्याँक निकालिएको र सो उमेर समूहका २ सय ६३ जनामा कोरोना संक्रमण पुष्टि भएको मन्त्रालयले जनाएको छ ।
सो उमेर समूहका ५७ जना बुधबार संक्रमित भएका थिए ।
सबैभन्दा बढी संक्रमित हुने उमेर समुह भने २१ देखि ३० वर्ष हो ।
सो उमेर समूहका ९ सय ६० जना बिहीबार संक्रमित भएको मन्त्रालयले जनाएको छ ।
प्रकाशित:
Thursday, January 13, 2022 | 18:27:00 बिहीबार, २९ पौष, २०७८
