काठमाडौं- नेपाली काँग्रेसको सभापतिका लागि कुनै पनि उम्मेदवारले बहुमत नल्याएपछि पुनः मतदान हुने भएको छ ।
आइतबार बिहान सकिएको मतगणनामा सभापतिका उम्मेदवार प्रधानमन्त्री शेरबहादुर देउवाले अरुले भन्दा बढी मत पाए पनि निर्वाचित हुन आवश्यक बहुमत जुटाउन नसकेपछि पुनः मतदान हुने भएको हो ।
कांग्रेसको विधान अनुसार सभापति पदमा निर्वाचित हुन खसेको कूल मतको बहुमत नल्याए बाँकी २ जनाबीच पुनः मतदान गरेर बहुमत ल्याउनु पर्ने हुन्छ ।
जस अनुसार अब देउवा र डा. शेखर कोइरालाबीच प्रतिस्पर्धा हुने छ ।
आइतबार भएको मतदानमा ४ हजार ६ सय ७९ मत खसेकोमा कसैको बहुमत पुगेन ।
प्रकाशित:
Tuesday, December 14, 2021 | 09:11:00 मंगलबार, २८ मङ्सिर, २०७८
