कालिकोट- कालिकोटमा सोमबार ट्रक दुर्घटनामा परी एक जनाको मृत्यु भएको छ ।
नरहरिनाथ गाउँपालिका–१ मिलाकामा सोमबार बा ५ ख ४६४३ नम्बरको ट्रक ब्रेक फेल भै ३० मिटर तल खस्दा स्थानीय ५८ वर्षीय जयबहादुर विष्टको मृत्यु भएको र ३ जना घाइते भएको प्रहरीले जनाएको छ ।
विष्टको घटनास्थलमै मृत्यु भएको हो भने ट्रक चालक सुर्खेतको वीरेन्द्रनगरका किरणबहादुर भुजा, ट्रकका मालिक साहु नरहरि–१, कालिकोटका २४ वर्षीय नेत्रबहादुर विष्ट र सहचालक घाइते भएका छन् ।
घाइते मध्ये गम्भीर अवस्थाका विष्टलाई नेपाली सेनाको हेलिकप्टरमार्फत् थप उपचारका लागि सुर्खेत लगिएको र दुई जनाको कालिकोट जिल्ला अस्पताल उपचार भइरहेको प्रहरीले जनाएको छ ।
प्रकाशित:
Monday, November 29, 2021 | 16:49:00 सोमबार, १३ मङ्सिर, २०७८
