धनगढी- कैलालीमा छुट्टाछुट्टै ट्रकले ठक्कर दिँदा सोमबार २ जनाको मृत्यु भएको छ ।
पूर्वपश्चिम राजमार्ग अन्तर्गत गोदावरी नगरपालिका ८ चोकमा ट्रकले ठक्कर दिँदा पैदलयात्री स्थानीय नरेश देउवाको मृत्यु भएको प्रहरीले जनाएको छ ।
पूर्वबाट पश्चिम आउदै गरेको ना ६ ख ५३६६ नं. को ट्रकले पैदलयात्री देउवालाई पछाडीबाट ठक्कर दिएको हो ।
ट्रक र चालकलाई प्रहरीले नियन्त्रणमा लिएको छ ।
त्यसैगरी घोडाघोडी नगरपालिका ५ मा ट्रकले मोटरसाइकललाई ठक्कर दिँदा मोटरसाइकल चालक बसन्तराज शर्माको मृत्यु भएको प्रहरीले जनाएको छ ।
लु १ ख ४६६६ नं।को ट्रकले शर्मा सवार सु.प.प्र.०१००८ प ५४७५ नं. को मोटरसाइकललाई ठक्कर दिएको हो ।
घटनापछि भागेको ट्रक चालकको खोजी कार्य भैरहेको प्रहरीले बताएको छ ।
प्रकाशित:
Monday, November 29, 2021 | 16:15:00 सोमबार, १३ मङ्सिर, २०७८
