तनहुँ- नेपाली कांग्रेस तनहुँको जिल्ला सभापतिमा सभापति शेरबहादुर देउवा पक्षका नेता जितप्रकाश आले विजयी हुनुभएको छ ।
सोमबार बिहान सम्पन्न मतगणना अनुसार आले विजयी हुनुभएको हो ।
उहाँले वरिष्ठ नेता रामचन्द्र पौडेल खेमाबाट चुनावी मैदानमा रहनुभएका वैकुण्ठनाथ न्यौपानेलाई पराजित गर्नुभयो ।
विजयी आलेले ९ सय ५१ मतसहित जित हात पार्नु भएको हो ।
प्रतिस्पर्धी न्यौपानेले ७ सय ८३ मत प्राप्त गर्नुभएको छ ।
पराजित न्यौपाने हालका सभापति र व्यास नगरपालिकाका प्रमुख हुनुहुन्छ ।
उपसभापतिमा राजेन्द्रकृष्ण श्रेष्ठ र देवकुमार श्रेष्ठ विजयी हुनुभएको छ ।
सचिवमा लक्ष्मीभक्त खनालले १ हजार २० र सहदेव अधिकारी ८ हजार १२ मत प्राप्त गरी विजयी हुनुभयो ।
सहसचिवमा मिलन आले र परमेश्वर भट्टराई विजयी हुनुभयो ।
प्रकाशित:
Monday, November 29, 2021 | 14:44:00 सोमबार, १३ मङ्सिर, २०७८
