चीनको वुहान प्रान्तबाट फैलिएको कोरोना महामारीको त्रास अहिले पनि उस्तै छ । नयाँ नयाँ भेरियन्ट सहित फैलिइरहेको कोभिड–१९ को फेरि अर्को भेरियन्ट ‘ओमिक्रोेन’ दक्षिण अफ्रिकामा देखापरेको छ । यसले झनै ठूलो रूप लिनसक्ने भन्दै विज्ञहरू यसको अनुसन्धानमा लागिरहेका छन् ।
यो कस्तो भेरियन्ट हो ? यसले नेपालमा कत्तिको जोखिम निम्त्याउन सक्छ ? भन्ने विषयमा सरुवा रोग विशेषज्ञ डा. शेरबहादुर पुनसँग नेपालमतका लागि इन्द्रसरा खड्काले गर्नुभएकाे कुराकानी:
अहिले दक्षिण अफ्रिकामा देखिएको कोभिड–१९ को नयाँ भेरियन्ट ‘ओमिक्रोन’ कस्तो भाइरस हो ?
यो अहिले दक्षिण अफ्रिकाका विभिन्न ठाउँमा फैलिएको छ । र, अन्य ठाउँमा पनि फैलिंदो क्रममा छ । यसलाई शुरूमा B.1.1.529 नाम दिइएको थियो । तर पछि यसलाई ग्रीक नाम अन्तर्गत राख्ने भएको हुनाले ओमिक्रोन नाम राखिएको हो । यो भेरियन्टको जीनमा अत्यधिक मात्रामा म्युटेशन देखिएको र त्यसमा पनि अझ ‘स्पाइक प्रोटिन’ समेत हुँदा वैज्ञानिकहरूले विगतमा देखिएका ‘भेरियन्ट अफ कन्सर्न’ अन्तर्गत पर्ने भाइरसहरू भन्दा बढी जोखिम हुनसक्ने अनुमान गरेका छन् । लक्षित जनसंख्यालाई खोप लगाए पनि यसको असरबारे अध्यनन भइरहेको छ । यसको ‘स्पाइक प्रोटिन’ मा व्यापक उत्परिवर्तन भएकोले यो तीव्र गतिमा फैलिएर संक्रामक हुने भनिएको छ ।
खोप लगाउनु भनेको संक्रमित नहुने भन्ने त होइन तर पनि खोप लगाइसकेपछि जटिल अवस्थामा जानसक्ने र मृत्युसम्म पुग्ने अवस्था भने कम गर्छ ।
भनेपछि यो भेरियन्टले खोप लगाएका व्यक्तिलाई पनि प्रभाव पार्छ ?
अहिलेको मुख्य चिन्ताको विषय भनेको नै यही हो । तपाईं हामीले अहिले जुन खोप लगाएका छौं– भेरोसेल, फाइजर, कोभिशिल्ड; यी स्पाइक जीनप्रति लक्षित खोपहरू हुन् । यसले गर्दा यसले चिन्ने गरेको जुन ‘स्पाइक जीन’ छ त्यो अब यसले स्वरुप परिवर्तन गर्दा कतै नचिन्ने त होइन ? अथवा त्यो विरुद्ध बनेको जुन एन्टीबडी छ त्यसलाई जित्ने क्षमता त विकास गरेन ? भन्ने प्रश्न छ । यदि यसो हो भने यो चिन्ताको विषय हो ।
भनेपछि खोप लगाएकाहरूले पनि ‘ढुक्क छौं’ भन्ने अवस्था रहेन ?
कतै यस्तो हुन्छ कि, गर्छ कि भन्ने मात्र हो । के हुन्छ तत्काल भन्न सकिने अवस्था छैन । अहिले विश्वका वैज्ञानिक यही प्रश्नको उत्तरका लागि दौडिरहेका छन् । हामीले जति पनि खोपको कुराकानी गर्छौं– यसको प्रभावकारिता यति छ उति छ भनेर । यो प्रभावकारिता केही खस्कने अनुमान मैले पनि गरेको छु । कामै नलाग्ने पो हुने हो कि भन्ने जुन चिन्ता छ, यो कुरा चाहिं आगामी दिनको अध्ययनले नै देखाउने कुरा हो ।
पहिले र अहिलेको भेरियन्टमा फरक के छ ?
पहिलेको भन्दा अलि बढी म्युटेशन भएको र त्यसमा पनि स्पाइक जीनको कुरा जुन अघि नै ग¥यौं; यसको विरुद्धमा हाम्रो शरीरले एन्टीबडी बनाइरहेको हुन्छ, त्यसलाई छल्ने हो कि भन्ने अनुमान हो । किन भने, जति स्वरुप परिवर्तन हुन्छ, त्यति नै हाम्रो शरीरले चिन्नसक्ने सम्भावना कम भएर जान्छ– खोप लगाएर बनेको एन्टीबडी होस् वा प्राकृतिक रूपमै संक्रमण भएर बनेको एन्टीबडी होस् ।
नयाँ भेरियन्टबाट नेपाल अछुतो छैन । किनकि हाम्रो हवाइमार्ग खुला भइसकेको छ । विभिन्न देशमा हवाइमार्ग, यातायातका साधन खुला भइसकेका छन् । नेपालको पनि विभिन्न देशसँग सम्पर्क छ, यसकारण पनि नेपाल जोखिममा छ ।
तसर्थ; यो कसरी फैलन्छ, खोपलाई प्रभावहीन बनाउँछ कि बनाउँदैन आदि कुरा जान्न वा थाहा पाउन केही दिन कुर्नैपर्ने हुन्छ ।
नेपाल कत्तिको जोखिममा छ ?
यसबाट नेपाल अछुतो रहन्छ भन्न सकिंदैन । किनकि हाम्रो हवाइमार्ग खुला भइसकेको छ । विभिन्न देशमा हवाइमार्ग, यातायातका साधन खुला भइसकेका छन् । नेपालको पनि विभिन्न देशसँग सम्पर्क छ, यसकारण पनि नेपाल जोखिममा छ ।
हामीले विगतमा धेरै अभ्यासहरू गरिसकेका छौं । संक्रमण फैलिन नदिन अलिकति कडिकडाउ गर्नुपर्ने हुनसक्छ । अझ भन्ने हो भने भारतसँग हाम्रो खुला सिमाना छ । यो भेरियन्ट भारतमा देखापर्यो भने थप चुनौती हुनसक्छ । अहिले नै सोच्नुपर्ने देखिन्छ ।
स्वास्थ्य मापदण्ड पालना नगर्दा के हुन्छ ?
मलाई लाग्छ, अहिले प्रायः धेरैले स्वास्थ्य मापदण्ड अपनाउन छोडिसकेका छौं । कतिपयले त मास्क समेत लगाउन छोड्नुभएको छ । अझ अहिले विभिन्न राजनीतिक दलका अधिवेशन, महाधिवेशन भइरहेका छन् । जहाँ मान्छेको घुइँचो हुन्छ त्यहाँ स्वास्थ्य मापदण्ड अपनाइएन भने निकै जोखिम हुन्छ ।
हाम्रोमा त अझ नयाँ भेरियन्ट बाहेककै जोखिम पनि टरेको छैन । लक्षित समूहको ५० प्रतिशतले पनि खोप नलगाएको अवस्थामा यसै पनि अहिले नै जनस्वास्थ्यका मापदण्डलाई चटक्कै बिर्सनुभएन । यसको लागि सरकारले सतर्कता अपनाउनुप¥योे भने हामीले पनि ख्याल गर्नुपर्यो ।
नयाँ भेरियन्टले कुन समूहलाई बढी असर गर्छ भन्नेबारे केही जानकारी छ ?
यो कति घातक छ र कत्तिको तीव्र गतिमा फैलिन सक्छ भन्नेबारे धेरै कुरा थाहा भएको छैन । डेल्टा भेरियन्टभन्दा खतरा हो कि होइन भन्नेबारे अध्ययन भइरहेको छ भने कुन उमेर समूहलाई बढी असर गर्छ भन्ने पनि थाहा भइसकेको छैन ।
विशेषज्ञको नाताले नयाँ भेरियन्टबारे नागरिकलाई दिने केही सल्लाह–सुझाव छन् कि ?
हामीले स्वास्थ्य मापदण्डका जुन कुरा गरेका छौं, त्यसलाई बिर्सनुभएन । अर्को; सरकारले उपलब्ध गराइरहेको खोप तपाईंले लगाउनुभएको छैन भने त्यो खोप लगाउनुहोस् ।
अझ भन्ने हो भने भारतसँग हाम्रो खुला सिमाना छ । यो नयाँ भेरियन्ट भारतमा देखापर्यो भने थप चुनौती हुनसक्छ । अहिले नै सोच्नुपर्ने देखिन्छ ।
खोप विरुद्धको भ्रममा चाहिं नपर्नुहोला । खोप लगाउनु भनेको संक्रमित नहुने भन्ने त होइन तर पनि खोप लगाइसकेपछि जटिल अवस्थामा जानसक्ने र मृत्युसम्म पुग्ने अवस्था भने कम गर्छ । त्यसैले यी सबै कुरामा ध्यान दिन सबैलाई आग्रह गर्छु ।
साथै; अहिले यो नयाँ भेरियन्टबारे निकै हल्ला भइरहेको छ । नआत्तिनुहोस् तर सजग चाहिं रहनुहोस् । किनकि यो भाइरसबारे अनुसन्धान हुँदैछ । यो भेरियन्ट अत्यधिक मात्रामा देखिएको भनेर भनिएको हुनाले हामीले सजग हुनुपरेको हो ।
नेपालमतका कुनै पनि सामग्रीबारे तपाईंको गुनासो, सुझाव र थप जानकारी अथवा नयाँ कुनै सूचना भए हामीलाई info.nepalmat@gmail.com मा इमेल पठाउनु होला।
काठमाडौं - आजदेखि दादुरा–रुवेलाको खोप देशब्यापी रूपमा लगाइदैँछ । जाजरकोट र पश्चिमरुकुमबाहेकका ७५ जिल्लामा फागुन १३ देखि चैत ७ गतेसम्म खोप अभियान सञ्चालन गर्न लागेको हो...
नेपालगञ्ज - बाँकेमा कुष्ठरोगबाट १४ वर्ष मुनिका बालबालिका बढी प्रभावित हुँदै गएको पाइएको छ। चालु आर्थिक वर्षको साउनदेखि मङ्सिर मसान्तसम्म भेटिएका नयाँ बिरामीमा १३ जना १४ वर्ष मुनिका...
लुम्बिनी प्रदेश सरकारले सिकलसेल एनिमिया, बिटा थालेसिमिया र हेमोफिलियाका बिरामीहरूका परिवारलाई निःशुल्क बिमा कार्यक्रम सुरु गरेको छ । प्रदेश सरकारले बाँकेको राप्तीसोनारी गाउँपालिकाबाट निःशुल्क बिमा कार्यक्रम...
काठमाडौं- आज देशैभरीका स्वास्थ्य संस्था बन्द हुने भएका छन । देशभरका स्वास्थ्य संस्थामा आकस्मिकबाहेकका सेवा बन्द हुन लागेको हो । हेटौडामा चिकित्सक कुटिए पछि सोको बिरोधमा नेपाल चिकित्सक...
काठमाडौँ- स्वास्थ्य तथा जनसङ्ख्यामन्त्री मोहनबहादुर बस्नेतले अबको छ महिनाभित्र जनताले महसुस गर्ने गरी स्वास्थ्य क्षेत्रमा सुधारको काम गर्ने प्रतिबद्धता गर्नुभएको छ । मन्त्री बस्नेतले आफनो कार्यअवधिको...