न्युयोर्क- दक्षिण अफ्रिकामा देखिएको कोरोनाको नयाँ भेरियन्ट फैलन सकने चेतावनीपछि अमेरिकाको न्युयोर्कमा शहरमा संकटकाल घोषणा गरिएको छ ।
न्युयोर्ककी गभर्नर काथी होचुलले कोरोनाको नयाँ भेरियन्ट रोकथामका लागि राज्यभर संकटकाल लागू गरिएको घोषणा गर्नु भयो ।
कोरोना भाइरसको महामारी बढ्दै गएको र कोरोनाभाइरसको नयाँ भेरियन्ट अझ खतरनाक रहेको लगायतका कारणले संकटकाल लगाउनु परेको उहाँले बताउनु भयो ।
पछिल्लो समयमा कोरोनाभाइरसबाट संक्रमित भएर अस्पताल भर्ना हुनेहरुको संख्या बढेकाले थप महामारी फैलिन नदिनका लागि संकटकाल लगाइएको गभर्नरले उल्लेख गर्नु भएको छ ।
कोरोनाभाइरस पछिल्लो समयमा एकबाट अर्कोमा सर्ने क्रम पनि तीव्र देखिएकाले रोकथाम गर्नु पर्ने विज्ञहरुको सुझावका आधारमा संकटकाल घोषणा गरिएको गभर्नर काथी होचुलले बताउनु भयो ।
अहिले घोषणा गरिएको संकटकाल आगामी सन् २०२२ को जनवरी १५ सम्म लागू हुने अधिकारीहरुले जनाएका छन् ।
घोषणाका क्रममा गभर्नर होचुलले आवश्यकता अनुसार संकटकाल लम्बिन पनि सक्ने बताउनु भयो ।
प्रकाशित:
Saturday, November 27, 2021 | 17:27:00 शनिबार, ११ मङ्सिर, २०७८
